Die bedrywighede van die Stilbaai Musiekvereniging is afgesluit met ‘n baie
besonderse konsert – ”Zaza en die Kunstenar”
Drie uitstekende kunstenaars, Zanne Stapelberg, (Sopraan), Elna v an der Merwe (Klavier) en Niël
Rademan (Bariton) het opgetree om die liefdesverhaal van Zaza en die kunstenar d.m.v. musiek te vertel.
Die program in ingelui met “Life is a Caberet” deur Zanne en Niël en het op
dié wyse gestalte gee aan die styl en karakter van die program. Musiek van
allerlei soorte is op sprankelende wyse voorgedra. Volksmusiek soos “Waar kry jy
daardie hoed”, “Mamma ek wil ‘n man hê”, musiek uit musiekblyspele, soos “ I
dream a dream” en “There was a boy, a very special boy” tot Franse
liefdesliedere met trekklavierbegeleiding deur Niël. Daar was selfs opera arias
en duette bv. “La ci darem la mano” of te wel “Reik my jou hand my geliefde.”
Zanne het die gehoor oorrompel met haar besondere vol en ryk stem en Niël
het beïndruk met sy toneelspel en fyn aanvoeling vir kabaret. Elna is, soos
altyd, uitstaande met haar begeleiding. Zanne het ook die saksofoon gevoeg by
die ensenble, wat groot genot verskaf het aan die gehoor.
Musiekverenigingnuus: Op die AJV is die nuwe Bestuur verkies. Voorsitter: Danie Joubert, Onder-Voorsitter: Mike Steytler, Sekretaris: Louise Steytler, Tesourier: Nugget van Noordwyk, Programknoper: Bettie Niehaus, Musiekwaardering: Menno Stenvert, Dankie aan die Bestuur vir onbaatsugtige diens en vir die uitstaande kunstenaars wat hulle na Stilbaai bring. Ons sien uit na ‘n uitstekende program vir 2015.
1 comment:
Thanks for sharing, nice post! Post really provice useful information!
Công ty vận chuyển hàng nước ngoài FadoExpress hàng đầu chuyên vận chuyển, chuyển phát nhanh siêu tốc đi khắp thế giới, nổi bật là dịch vụ gửi hàng đi mỹ, gửi hàng đi úc và gửi hàng đi đài loan uy tín, giá rẻ.
Post a Comment