Uit : News Letter/
Nuusbrief 8, 2014.
Jaarvergadering op Woensdag 19
November 2014 om 18.00 in die Tuin-op-die Brak Kiosk.
Ons vereniging bestaan nou uit meer as 120 lede. Lede word
aangemoedig om die jaarvergadering by te woon, aan die verkiesing van die nuwe bestuur deel te neem en die ligte verversings na
die tyd te geniet. Onthou asseblief om u eie stoele saam te bring.
Ons galakonsert, Zaza en die Kunstenar , vind DV plaas op Sondagmiddag 23 November 2014 om 16.00 in die NG Kerksaal-Oos. Dit handel oor:-
“ Die reise van ‘n eksentrieke troebadoer op
soek na die antwoorde op die groot vrae van die lewe. Die antwoord lê verskuil
in die mooiste musiek van regoor die wêreld soos gesing deur die musiekmuse
ZaZa ( Zanne Stapelberg). Splinternuwe toonsettings, liedtekste uit die pen van
Zanne en Niël Rademan en bestaande klassieke musiek, kabaretmusiek en kunsmusiek
van die straat en die kafee. Met Zanne ( sang en saksefoon), Rademan ( sang,
trekklavier en klavier) en Elna van der Merwe (klavier).”
Kerswense.
Glo
dit of nie, dis amper alweer vakansietyd! Die bestuur van die Stilbaai
Musiekvereniging wens al ons lede ‘n baie geseënde Kersfees toe en ‘n
voorspoedige, vrolike, gesonde en uitbundige nuwe jaar! Mag die feestyd vir ons
almal rus en vrede in Christus bring met
warm harte vir ons familie en vriende en toegeneendheid teenoor ons naaste.
No comments:
Post a Comment