‘n Waarderende gehoor het op die 10’e Mei in Stilbaai die
uitstekende spel van die klarinet-solis, met sy skitterende begeleier Tertia
Visser, terdeë geniet. Die Kunslied – “Bis du bei mir” was ‘n interessante en
uitstekende inleiding tot die program – ‘n rustige atmosfeer is met die vol, ryk
klank van die klarinet geskep.‘n Duitse volkswysie – “Mein Hut die hat drei Ecken” was die
tema van die volgende werk, “Il Carnevale di Venezia”, met ‘n aantal
sprankelende en uiteenlopende variasies op die tema wat die uitstekende
asembeheer en flinke vingers van Matthew
Twee meer ernstige werke het gevolg : “Sonata vir klarinet
en klavier” van Saint-Saens, asook een van die Franse komponis Paulenc, werke
wat die romantiese, moderne sowel as speels-vurige style uitbeeld. Besondere
hoë eise word gestel aan die klarinetspeler, wat betref asembeheer !
“Solo de Concours” van Messager, ‘n leerling van
Saint-Saens, wat hierdie moeilike stuk spesiaal gekomponeer het vir ‘n
klarinetkompetisie, wat besondere eise aan die deelnemers stel., is meestelik
uitgevoer.
Cinema Serenade het bestaan uit temas uit bekende films wat
op vernuftige wyse uitgevoer is. Die gehoor is versoek om die naam van die lied,
sowel as dié van die film te herken.
Die aand is afgesluit op ‘n ligter trant, Kletzmer Musiek :
Israeli volksmusiek wat sterk aan die musiek uit die film “Fiddler on the Roof”
herinner. Die vaardigheid van die klarinetsolis is van die grootste belang – interessante
ritmes, allerhande kinkels en draaitjies, om die dansers se bewegings te
simboliseer.
Matthew Reid, ‘n waardige speler en kenner van sy
instrument, en Tertia Visser, sekerlik een van ons mees begaafde klavierspelers
– wat ‘n belewenis !
Bettie Niehaus
No comments:
Post a Comment