Sedert hul vorige besoek aan
Stilbaai het hierdie koor besondere blootstelling gehad tydens ‘n
feeskonsert in die Royal Festival Hall, London, waar hulle, saam met
‘n koor uit Johannesburg, die vasteland Afrika verteenwoordig het .
Die dirigent het die manne
in die holte van haar hand en saam met ‘n uitstekende begeleier
maak hierdie koor ‘n besonderse indruk wat klank en uitvoering
betref.
‘n Sterk en stewige klank
van die basse, teenoor die volronde falsetklank van die tenore, toon
geen teken van die gewone harde en skerp klank wat soms van mannekore
ervaar word nie. Hier het ons gepaste kontras tussen hard en sag vir
volkome afwisseling ervaar !
Die drie gewyde liedere aan
die begin van die program het ‘n rustige atmosfeer gebring met ‘n
vol en ryk klank wat dadelik hul meesterskap in beheer en balans
geïllustreer het.
Die “Showboat Keurspel”,
“Love changes everything” en “Finlandia” was gewilde stukke
vir die waarderende gehoor. Leonard Cohen se “Halleluja” het
weereens hul besondere beheer met pragtige legato en uniforme klank
sterk gekomplimenteer.
Besonderse soliste, ‘n
uitstekende begeleier en besielde dirigent, sowel as koorlede wat
alle musiek uit hul kop sing, het ‘n besonderse optrede gewaarborg
!
Die Stilbaai Mannekoor het
ook aan die program deelgeneem. “Thank heaven for little girls”
en “Hear my song” was veral gewilde aanbiedings,
Mag die manne in Stilbaai
genot put uit hul samesang.
B Niehaus
No comments:
Post a Comment