Dié koor bestaan reeds vir 43 jaar, met Hennie Loock as
leier en Theresa Loock as begeleidster/verwerker en gaan steeds van krag tot
krag!
Baie streng keuring vind plaas en die groep floreer met
uiterste disipline en toewyding met ‘n leier wat weet wat hy wil hê.
Met ‘n vol en ryk klank ; skoon legato lyne ; interpretasie
van moeilike passasies en uitstekende diksie, maak dié koor ‘n wenner in die
wêreld van koorkompetisies.
In 2010 word die koor aangewys as wenners in verskeie
kategorië, en algeheel aangewys as dié
beste koor , tydens die wêreldwye koorspele in China.
Die program waarin Stilbaaiers (en besoekers) hulself kon
verlustig , het verskeie klassieke koorwerke ingesluit : bv Mendellsohn-werke
waarin die soliste besondere bydraes gelewer het. Die Ave Maria (Bach/Gounod) was ‘n
uitsonderlike aanbieding met ‘n baie besonderse solis : Courtney Hiscock. Hou hierdie dogter dop ! Die uitbeelding van
water – “Moments of Water” was ‘n vertoon van besonderse vermoëns deur die
volle koor. Die Afrikaanse liedere – “Sewe
Boerneef-liedjies” ; “Heimwee” ;
“Straattroebadoere” en ‘n aantal volkswysies, sowal as ‘n paar
tradisionele (Tswana/Xhosa) liedere , het groot byval gevind.
Die vele ander liedjies, met en sonder begeleiding op
instrumente gespeel deur koorlede, het gesorg dat die gehoor soos een persoon
die Tygerberg Kinderkoor staande toegejuig het !
Weereens, ‘n besondere suksesvolle en uiters genotvolle konsert
- na ons gebring deur die Stilbaai Musiekvereniging.
No comments:
Post a Comment