.jpeg)
‘n Heerlike intieme huiskonsert met Lynelle Kenned - sopraan, William Berger- bariton en Elna van der Merwe op die klavier, het ons in Stilbaai te beurt geval!
Die goedsaamgestelde program het bestaan uit 3 dele :
1. Bekende en geliefde opera arias en duette,
wat geboei het met die teatrale vertolking van hierdie uitstaande soliste.
Deurgaans het die klavierbegeleiding met soveel vaardigheid en deernis ondersteun.
2. Hierdie deel was
gewy aan Afrikaanse lieder, met o.a.‘n hoendervleis vertolking van die bekende
“Heimwee” en het ook verras met 2 vars, nuwe verwerkings van “Sweef soos ‘n
arend“ en “Liedjie vir jou” in duet. Dis ongelooflik wat gebeur as goeie werk
in jong hande beland en in ‘n nuwe musikale kleur geskilder word!
In die derde deel is
ons bederf met geliefde uitttreksels uit musiekspele, waarvan “Over the
Rainbow” geskitter het met ’n wěreldklas klavier-improvisasie.
Bravo vir Elna wat met
soveel flair gesorg het dat elke item besonders was!
Soos die titel van die
program: voorwaar ‘n genotvolle musikale ervaring!
Petro Botha
No comments:
Post a Comment