Vanaf die openings
note van die geliefde en bekende Brahms Hongaarse Danse, het die luisteraar
reeds geweet hier kom iets groots. Die vier hande op dieselfde klavier het
ongelooflike groot klank opgetower, tenspyte van die tegniese uitdagings om in
dieselfde ruimte uiting te gee aan die voorgeskrewe emosionele vertolking Goeie
begrip en verstandhouding tussen twee kunstenaars is natuurlik ‘n vereiste om
hierdie uitdaging so suksesvol tot ‘n hoogtepunt te voer! Dit was duidelik hier
die geval, mens kon ook aanvoel dat hulle ‘n sin vir humor en kommunikasie deel!
Wat opvallend was,veral by die uitvoering van die Fantasie in F min van
Schubert, was die wisselwerking van die motiewe tussen die vier hande, byna soos
‘n orkes in die kleine! Hierdie werk was gevul metmonumentale “kleurskakerings”
! Plek-plek gesorg vir baie sagte nuanses terwyl al vier hande aktief is, wat
uiterste beheer vereis. Hiermee het hulle perfek geslaag! Dit bly ‘n musikale
wonderwerk dat die sinergie tussen twee breine, ingewikkelde ritmes in dieselfde
tydsberekening kan doen.
Danksy hul inligting vooraf, kon die luisteraar die
heerlike “storie” en humor agter Faurѐ se “Dolly suite” volg en geniet! Uit ons
geskiedenis was dit natuurlik maklik om saam met hulle die pret van Arnold van
Wyk (SA Komponis) se improvisasies op Nederlandse volkswysies te geniet, al was
dit ryklik versier!
Hulle was beloon met ‘n warm en entoesiastiese Stilbaai
applous!
No comments:
Post a Comment