Charlotte Potgieter en Tertia Visser-Downie bekoor gehoor. 19 Julie 2024

Wat ‘n belewenis om die uiters begaafde violis Charlotte Potgieter op Stilbaai te beleef!

Haar passievolle vertolkings, met ongelooflike variasie van klanke , van soet tot aggressief,op die instrument ,het beindruk.

Sy en die talentvolle begeleier Tertia Visser-Downie het ‘n wen-kombinasie gevorm wat styl en vertolking aanbetref en perfek gesinkroniseer met amper magiese gevolge.

Die program is ingelui met die Schubert sonata no.2 vir viool en klavier, waar die 2 instrumente heeltyd in dialoog en nabootsing is, en hulle puik aanvoeling vir mekaar ryklik uitgebeeld is.

Daaropvolgend was meer modern komposisies van haar pa, Johann Hendrik Potgieter, Boulanger, Bacewicz en Clarke waar Charlotte ‘n veskeidenheid van sagte en hoë klanke op die viool uitgetower het.  In die “Caprice” het sy weer geslaag met ‘n ligte en speelse styl en klank.

Met die ekspressiewe, en tegnies uitdagende, sonata no 3 in c min van Grieg, het beide die kunstenaars ‘n passievolle,  romantiese uitvoering meesterlik op ‘n hoogtepunt afgesluit!

‘n Uitstaande konsert vir die fynproewer. Welgedaan!